الرئيسية
ليس بالضرورة أن اكون انا او السيد الفاضل الذى كتبها معى ابطال حقيقين لهذى القصة... لكن المؤكد انها قصة حقيقية ..
وهذا حوار بالتخيل الادبى لاخر مقابلة بين الحبيبين.
كام سنة مرت علينا النهاردة ؟
حوالى ثلاث سنوات مع انهم اجمل سنين عمرى
ندمانة منهم على اى شىء ؟ ... تلت سنيين فاتو زى البرق عليكى والا فاتو زى الضل
أنا لا اعرف للندم طريق
حتى لو جواكى حاسه انى جرحتك او خيبت املك فيا؟
كنت بحلم طول عمرى بالحب وكان املى انى اجرب الحب وجربته معك
فعلا. لكن ايام حسيتك طفلة فرحانة بالحب زى الطفل فى العيد و احيانا حسيت ان الحب لما جالك لخبط لك كل شىء
كنت افرح بكل كلمة احسها من قلبك واحزن واتغير لاهمالك لى
اهمالى لك؟
نعم اهمالك وتغيرك مثل المواسم كل شويه بحال
يمكن لان ظروف كتيرة بتضغط عليا
كلام متعاد و كمان اتعودد اسمعه منك
جايز بهرب من الحقيقة عندك حق
بتهرب من الحقيقه ولا بتهرب من وعودك ؟
الصراحة..... جايز بهرب من الحقيقة لان وعودى كانت أكبر من الحقيقة
تعودنا على الصراحه من اول يوم وارجو انت تجاوب على اخر سؤال ليا .... هل حبك كان حقيقى ام تسليه ؟
مفيش سؤال اسهل من ده؟
اد كده صعب سؤالى ولا اجابته اللى صعبه ؟
الاجابة اكيد اصعب ..... اصعب كتير من السؤال
بس انت كده رديت من غير ما تحس ..... وصلت اجبتك
اعتمدت على ذكائك اللى بعرفه من سنيين
وانا ردى عليك بعبارة عجبتنى جدأ من زمان .. انا امرأه لا انحنى لالتقط شئ سقط من نظرى
واضح انك مقتنعه بيها فعلا.........فهمتك الان
لا اريد تجريحك او عتابك ولكن وجعى اكبر مما تتخيل لانك رجل موش ست
انا حاسس بيكى و موش قادر ااقول حاسس كمان بالذنب .. يمكن كان حب ويمكن اتهياللنا انه حب
لا تعليق .. تقدر تقولى عايز ايه دلوقتى؟
انا حاسس ان كل شىء انتهى فجاءة واحيانا ببقى حاسس انه انتهى من زمان
نهايه علاقه لم تتم فيها الاشواق
يمكن لانى السبب يمكن لانك السبب ويمكن السبب مجهول
السبب عندك انت يا غالى مش عندى
انا كنت متاكد انك هتقولى كده ويمكن يكون ده صحيح
انا ابدعت فى حبك ولم افكر فى خيانتك حتى فى سرى
ممكن اكون خيبت امللك...... لكن تفتكرى انى خنتك ؟
قلبى يدور لك على حجه لسبب بعدك .. ولكن لا يخطر فى بالى... انك تخون ابدأ
لو خنتك يبقى فيه سبب اما مكنتش بحبك وبتسل واما لحظة ضعف واما احتياج لانثى حقيقية فى حياتى ده تفسيرى
وعدتنى يوم انى اكون اول واخر حب فى حياتك ياريت يكون ده الوعد الوحيد اللى يتحقق
انا كنت بقول لو خنتك ......... موش معناها انى خنتك
بعدك عنى ووعودك الزائفه .... دى اعتبرتها خيانة
لو اعتبرتى بعدى عنك خيانة.... كمان لازم تفهمى او تعرفى ليه بعدت عنك
ياريت اعرف ... هو ده السؤال اللى محيرنى
فكرى هتلاقى سبب منطقى يقنعك
كل سبب بفكر فيه بيألمنى
يمكن لان اى سبب هيسبب لك الم رهيب .. يمكن ده السبب اللى خلانى لا ااقوله
خلينا نقول النصيب والفراق شئ كتبه الله لنا
الفراق مؤلم لكن موش نهاية الكون
تعرف انا حساك ايه فى حياتى دلوقتى؟؟
ياريت اعرف و بصدق
بقيت فى حياتى العسل المر
ذكرى مؤلمة .. و لكن العجيب انهاا حلوة المذاق
العسل المر اافضل من مرارة دائمة قاسية
تفكيرى الان اسميك ايه غير حبيبى
حبيبى ال .........؟
سمعت كتير عن الحب الاول صعب نسيانه
جايز كان الحب الاول لك .... وجايز موش الحب الاول ليا
ووعدتك انك تكون الاول والاخير.. حفضل احبك لو شاب شعرى وانحنى ظهرى
هاحتفظ لنفسى بمشاعرى لاننا بقينا خارج التجربة الحلوة... انا موش زعلان الا على حجم الوجع اللى جواكى الان
لا تشغل بالك بيا ..تعودت فى حياتى على ضياع امالى ومفيش مساحة فى قلبى للحزن الان
بالعكس .. حاسس ان مساحة الحزن والوجع اللى فى قلبك اكبر من طاقة البشر
لو لسه بتحس بيا هاتسمع صرخة قلبى الان
انا حاسس ان تجربة الحب دى بقت اكبر ذنب عملته فى حياتى... لانى سببت كل هذا الالم لانسانة زيك
ذنبك انك علمتنى الحب ...
ذنبك انك عرفتينى فى الوقت الغلط
يعنى انا كنت الانسانه الصح فى الوقط الغلط ؟
او انا الانسان الغلط اللى جالك فى وقتك الصح
موش عارفة ....لكن اللى اعرفه دلوقتى اننا بنفترق ودى النهاية
نهاية قصة الحب الحزينة....... والا تقصدى نهاية حاجة تانية
نهاية قلبى على ايدك
لانها اول قصة حب فى حياتك ... انتى حاسة ان دى نهاية كل شىء لكن مع الايام هتفهمى بهدوء عكس الكلام ده
تفتكر ؟
متاكد ........ من خبرتى متاكد
اخر طلب اطلبه منك ... ادعيلى انساك بسرعه ..او افقد ذاكرتى
ااخر طلب هاطلبه منك ....انك تسامحينى... انا ااقدر ادعى لك ....لكن موش متاكد انك هتقدرى تسامحينى
ولا انا متاكده انى ممكن اسامحك
دى اصعب نقطة بقيت من قصتنا .... انى موش حاسس انك جرحتينى ابداً ... لكن حاسس انك صعب تسامحينى
تعرف ممكن اسمحك امتى ؟
ياريت اعرف
يوم ما اعرف انك كنت بتحبنى فعلأ ولكن ظروفك هى اللى منعاك من حبى
معنى كده... انك مكنتيش متاكدة من صدق كلامى لما كتير قلت لك ظروفى تمنعنى
اللى بيحب بيحاول يعمل المعجزات والحب مافهوش مستحيل ده لو كان حب حقيقى
لو كان ده حب حقيقى .... دى اهم نقطة مسببة لك كل هذا الالم
اكيــــــــــــد
و ده السئوال ..... اللى دايما بلاقى نفسى موش لاقى له اجابة
ما أنت قولت فى الاول انى ذكيه وبفهمك بسرعة ... دلوقتى بس فهمت الاجابه من كلامك
كنت دايما بعتمد على ذكائك .....احيانا بنبقى قادرين نقول الحقيقة بالسكات و بالصمت ... يمكن عشان منقدرشى نقول بالكلام
بس انت كنت بتقول انك اشجع من كده، يعنى يوم ما تحس انك عاوز تبعد لازم تكون صريح .. الكلام سهل لكن الفعل صعب جدأ
دايما من زمان كنت بحاول افهمك فيه فرق كبير بين الرغبة وبين القدرة .. بين انا عايز اعمله او انا ااقدر اعمل ايه
كنت دايما بتهرب من الكلام والرد على سؤالى .. بكلمة .. سبيها على ربنا
احيانا بتبقى قدرة ربنا اكبر من اننا نفهمها.... بنهرب ساعتها من ضعفنا و عجزنا
او كدبنا و فشلنا؟
"عشان كده هاقولك الان ......سبيها على ربنا"
اسفه انى اقولك انى ماحبش الراجل الكداب ولا الفاشل ولا الضعيف
ممكن ااكون كداب .... لكن صعب اكون فاشل او ضعيف
وعمرى ما حسيت يوم بضعفك ولا كدبك ولا احساسك بالفشل
انا اللى عندى شجاعة ااقول ممكن كنت كداب لكن موش فاشل ولا ضعيف
الكدب نوع من انواع الضعف يا غالى
الكدب نوع من العجز عن مواجهة الحقيقة
وصلنا للنقطة الاخير فى مشوار حبنا .... تحب ننهى حبنا ازاى ؟
صحيح... فى النقطة الاخيرة انا حاسس بارتياح اننا على الاقل كنا صرحاء اليوم
من يوم ما عرفتك وانا صريحه ووضحه جدأ .. من دلوقتى لما تحب تتكلم اتكلم عن نفسك .. من اليوم ده احنا اتنين يا غالى مابقناش حاجه وحدة زى الاول
يمكن لما بقينا اتنيين بقت مساحة الصراحة اكبر ومساحة الحرية اوسع .. يمكن فى يوم من الايام ااقدر ااقول اللى مقدرتش ااقوله اليوم
كنت بقولك انت الصديق والحبيب والاخ والابن .. لو خسرت كل دول بلاش تخلينى اخسر الصديق ... يمكن يخفف عنى شويه
ينفع تكون فقط الصديق ؟
بلاش نقول بين صداقة او محبة او اخوة او تعارف..... خليها بدون اسم .. الصداقة ممكن بتبقى حب .... والحب دايما يرفض انه يرجع صداقة
مافيش دلوقتى قدامى غير انى اقولك كلمة الوداع
متقوليهاش بالكلام انا قريتها فى عيونك ودموعك و سمعتها فى انفاسك
وداع يا حبيب العمر واتمنا لك حياة سعيده وادعو لك ان يغفر لك الله
الوداع .... يمكن نهاية حزينة لكن نهاية منطقية ...اما المغفرة .. فالمغفرة من الله لا يعلم نفاذها الا سبحانه وتعالى
*****
تشرفت للمرة الثانية أن شارتنى احدى بنات حواء الخروشة ... كتبت معى هذه الخروشة السيدة الفاضلة مدام وفاء الشاعرة المصرية المشهور باسم كان زمان .. ويشرفنى ان انهى هذه الخروشة الحزينة بقصيدة كتبتها مدام كان ..اسمها مسمحاك
تحياتى، عمر المصرى
مسمحاك
بس هبعد عن هواك
دايبة فيك وفى عنيك
بس مش هاكون معاك
عاشقه حبك بس هنسى
كل ليلة كانت معاك
ايوه هابعد عن هواك
ايوه مش هاكون معاك
هبعدك من غير رجوع
هبعد وف عينى دموع
على قلبى اللى هواك
مسمحاك
مش عشان أنت ملاك
يمكن عشان قلبى هواك
حلم عمرى يكون معاك
بس صحيت على جفاك
بسأل روحى عملت ايه ؟
بسأل انت بعدت ليه؟
بس هنسى اكيد .. قساك
مسمحاك
حلم عمرى كان معاك
حلمى عمرى كان رضاك
بس صحيت على جرح وغدر
وبعت قلبى اللى هواك
رحت ليه من غير سؤال؟
رحت فين ومين هناك؟
اخدك منى ومن هواك؟
مسمحاك
كلمة وحده هاقولها ليك
ياللى قلبى كان شريك
روح وحب حد غيرى
روح وشوف كل القلوب
مش هتلقى قلب غيرى
حبك وأتمنـى ... رضاك
مسمحاك
بس قولى قبل مامشى
قلبك حس يوم بقلبى
ولا كنت بتتسلا بهواك ؟
لو مش قادر عـ الحكايه
طــب كنت قولى من البدايه
ولا كانت تفرق معـــــاك ؟
مسمحاك
والا غيرى خد مكانى؟
ده قلبك يبـــــقى اكيد انانى
وبقيت عليا وعلى حبى جانى
سعتها قلبى هايقولك
مش مسمحاك
وهذا حوار بالتخيل الادبى لاخر مقابلة بين الحبيبين.
كام سنة مرت علينا النهاردة ؟
حوالى ثلاث سنوات مع انهم اجمل سنين عمرى
ندمانة منهم على اى شىء ؟ ... تلت سنيين فاتو زى البرق عليكى والا فاتو زى الضل
أنا لا اعرف للندم طريق
حتى لو جواكى حاسه انى جرحتك او خيبت املك فيا؟
كنت بحلم طول عمرى بالحب وكان املى انى اجرب الحب وجربته معك
فعلا. لكن ايام حسيتك طفلة فرحانة بالحب زى الطفل فى العيد و احيانا حسيت ان الحب لما جالك لخبط لك كل شىء
كنت افرح بكل كلمة احسها من قلبك واحزن واتغير لاهمالك لى
اهمالى لك؟
نعم اهمالك وتغيرك مثل المواسم كل شويه بحال
يمكن لان ظروف كتيرة بتضغط عليا
كلام متعاد و كمان اتعودد اسمعه منك
جايز بهرب من الحقيقة عندك حق
بتهرب من الحقيقه ولا بتهرب من وعودك ؟
الصراحة..... جايز بهرب من الحقيقة لان وعودى كانت أكبر من الحقيقة
تعودنا على الصراحه من اول يوم وارجو انت تجاوب على اخر سؤال ليا .... هل حبك كان حقيقى ام تسليه ؟
مفيش سؤال اسهل من ده؟
اد كده صعب سؤالى ولا اجابته اللى صعبه ؟
الاجابة اكيد اصعب ..... اصعب كتير من السؤال
بس انت كده رديت من غير ما تحس ..... وصلت اجبتك
اعتمدت على ذكائك اللى بعرفه من سنيين
وانا ردى عليك بعبارة عجبتنى جدأ من زمان .. انا امرأه لا انحنى لالتقط شئ سقط من نظرى
واضح انك مقتنعه بيها فعلا.........فهمتك الان
لا اريد تجريحك او عتابك ولكن وجعى اكبر مما تتخيل لانك رجل موش ست
انا حاسس بيكى و موش قادر ااقول حاسس كمان بالذنب .. يمكن كان حب ويمكن اتهياللنا انه حب
لا تعليق .. تقدر تقولى عايز ايه دلوقتى؟
انا حاسس ان كل شىء انتهى فجاءة واحيانا ببقى حاسس انه انتهى من زمان
نهايه علاقه لم تتم فيها الاشواق
يمكن لانى السبب يمكن لانك السبب ويمكن السبب مجهول
السبب عندك انت يا غالى مش عندى
انا كنت متاكد انك هتقولى كده ويمكن يكون ده صحيح
انا ابدعت فى حبك ولم افكر فى خيانتك حتى فى سرى
ممكن اكون خيبت امللك...... لكن تفتكرى انى خنتك ؟
قلبى يدور لك على حجه لسبب بعدك .. ولكن لا يخطر فى بالى... انك تخون ابدأ
لو خنتك يبقى فيه سبب اما مكنتش بحبك وبتسل واما لحظة ضعف واما احتياج لانثى حقيقية فى حياتى ده تفسيرى
وعدتنى يوم انى اكون اول واخر حب فى حياتك ياريت يكون ده الوعد الوحيد اللى يتحقق
انا كنت بقول لو خنتك ......... موش معناها انى خنتك
بعدك عنى ووعودك الزائفه .... دى اعتبرتها خيانة
لو اعتبرتى بعدى عنك خيانة.... كمان لازم تفهمى او تعرفى ليه بعدت عنك
ياريت اعرف ... هو ده السؤال اللى محيرنى
فكرى هتلاقى سبب منطقى يقنعك
كل سبب بفكر فيه بيألمنى
يمكن لان اى سبب هيسبب لك الم رهيب .. يمكن ده السبب اللى خلانى لا ااقوله
خلينا نقول النصيب والفراق شئ كتبه الله لنا
الفراق مؤلم لكن موش نهاية الكون
تعرف انا حساك ايه فى حياتى دلوقتى؟؟
ياريت اعرف و بصدق
بقيت فى حياتى العسل المر
ذكرى مؤلمة .. و لكن العجيب انهاا حلوة المذاق
العسل المر اافضل من مرارة دائمة قاسية
تفكيرى الان اسميك ايه غير حبيبى
حبيبى ال .........؟
سمعت كتير عن الحب الاول صعب نسيانه
جايز كان الحب الاول لك .... وجايز موش الحب الاول ليا
ووعدتك انك تكون الاول والاخير.. حفضل احبك لو شاب شعرى وانحنى ظهرى
هاحتفظ لنفسى بمشاعرى لاننا بقينا خارج التجربة الحلوة... انا موش زعلان الا على حجم الوجع اللى جواكى الان
لا تشغل بالك بيا ..تعودت فى حياتى على ضياع امالى ومفيش مساحة فى قلبى للحزن الان
بالعكس .. حاسس ان مساحة الحزن والوجع اللى فى قلبك اكبر من طاقة البشر
لو لسه بتحس بيا هاتسمع صرخة قلبى الان
انا حاسس ان تجربة الحب دى بقت اكبر ذنب عملته فى حياتى... لانى سببت كل هذا الالم لانسانة زيك
ذنبك انك علمتنى الحب ...
ذنبك انك عرفتينى فى الوقت الغلط
يعنى انا كنت الانسانه الصح فى الوقط الغلط ؟
او انا الانسان الغلط اللى جالك فى وقتك الصح
موش عارفة ....لكن اللى اعرفه دلوقتى اننا بنفترق ودى النهاية
نهاية قصة الحب الحزينة....... والا تقصدى نهاية حاجة تانية
نهاية قلبى على ايدك
لانها اول قصة حب فى حياتك ... انتى حاسة ان دى نهاية كل شىء لكن مع الايام هتفهمى بهدوء عكس الكلام ده
تفتكر ؟
متاكد ........ من خبرتى متاكد
اخر طلب اطلبه منك ... ادعيلى انساك بسرعه ..او افقد ذاكرتى
ااخر طلب هاطلبه منك ....انك تسامحينى... انا ااقدر ادعى لك ....لكن موش متاكد انك هتقدرى تسامحينى
ولا انا متاكده انى ممكن اسامحك
دى اصعب نقطة بقيت من قصتنا .... انى موش حاسس انك جرحتينى ابداً ... لكن حاسس انك صعب تسامحينى
تعرف ممكن اسمحك امتى ؟
ياريت اعرف
يوم ما اعرف انك كنت بتحبنى فعلأ ولكن ظروفك هى اللى منعاك من حبى
معنى كده... انك مكنتيش متاكدة من صدق كلامى لما كتير قلت لك ظروفى تمنعنى
اللى بيحب بيحاول يعمل المعجزات والحب مافهوش مستحيل ده لو كان حب حقيقى
لو كان ده حب حقيقى .... دى اهم نقطة مسببة لك كل هذا الالم
اكيــــــــــــد
و ده السئوال ..... اللى دايما بلاقى نفسى موش لاقى له اجابة
ما أنت قولت فى الاول انى ذكيه وبفهمك بسرعة ... دلوقتى بس فهمت الاجابه من كلامك
كنت دايما بعتمد على ذكائك .....احيانا بنبقى قادرين نقول الحقيقة بالسكات و بالصمت ... يمكن عشان منقدرشى نقول بالكلام
بس انت كنت بتقول انك اشجع من كده، يعنى يوم ما تحس انك عاوز تبعد لازم تكون صريح .. الكلام سهل لكن الفعل صعب جدأ
دايما من زمان كنت بحاول افهمك فيه فرق كبير بين الرغبة وبين القدرة .. بين انا عايز اعمله او انا ااقدر اعمل ايه
كنت دايما بتهرب من الكلام والرد على سؤالى .. بكلمة .. سبيها على ربنا
احيانا بتبقى قدرة ربنا اكبر من اننا نفهمها.... بنهرب ساعتها من ضعفنا و عجزنا
او كدبنا و فشلنا؟
"عشان كده هاقولك الان ......سبيها على ربنا"
اسفه انى اقولك انى ماحبش الراجل الكداب ولا الفاشل ولا الضعيف
ممكن ااكون كداب .... لكن صعب اكون فاشل او ضعيف
وعمرى ما حسيت يوم بضعفك ولا كدبك ولا احساسك بالفشل
انا اللى عندى شجاعة ااقول ممكن كنت كداب لكن موش فاشل ولا ضعيف
الكدب نوع من انواع الضعف يا غالى
الكدب نوع من العجز عن مواجهة الحقيقة
وصلنا للنقطة الاخير فى مشوار حبنا .... تحب ننهى حبنا ازاى ؟
صحيح... فى النقطة الاخيرة انا حاسس بارتياح اننا على الاقل كنا صرحاء اليوم
من يوم ما عرفتك وانا صريحه ووضحه جدأ .. من دلوقتى لما تحب تتكلم اتكلم عن نفسك .. من اليوم ده احنا اتنين يا غالى مابقناش حاجه وحدة زى الاول
يمكن لما بقينا اتنيين بقت مساحة الصراحة اكبر ومساحة الحرية اوسع .. يمكن فى يوم من الايام ااقدر ااقول اللى مقدرتش ااقوله اليوم
كنت بقولك انت الصديق والحبيب والاخ والابن .. لو خسرت كل دول بلاش تخلينى اخسر الصديق ... يمكن يخفف عنى شويه
ينفع تكون فقط الصديق ؟
بلاش نقول بين صداقة او محبة او اخوة او تعارف..... خليها بدون اسم .. الصداقة ممكن بتبقى حب .... والحب دايما يرفض انه يرجع صداقة
مافيش دلوقتى قدامى غير انى اقولك كلمة الوداع
متقوليهاش بالكلام انا قريتها فى عيونك ودموعك و سمعتها فى انفاسك
وداع يا حبيب العمر واتمنا لك حياة سعيده وادعو لك ان يغفر لك الله
الوداع .... يمكن نهاية حزينة لكن نهاية منطقية ...اما المغفرة .. فالمغفرة من الله لا يعلم نفاذها الا سبحانه وتعالى
*****
تشرفت للمرة الثانية أن شارتنى احدى بنات حواء الخروشة ... كتبت معى هذه الخروشة السيدة الفاضلة مدام وفاء الشاعرة المصرية المشهور باسم كان زمان .. ويشرفنى ان انهى هذه الخروشة الحزينة بقصيدة كتبتها مدام كان ..اسمها مسمحاك
تحياتى، عمر المصرى
مسمحاك
بس هبعد عن هواك
دايبة فيك وفى عنيك
بس مش هاكون معاك
عاشقه حبك بس هنسى
كل ليلة كانت معاك
ايوه هابعد عن هواك
ايوه مش هاكون معاك
هبعدك من غير رجوع
هبعد وف عينى دموع
على قلبى اللى هواك
مسمحاك
مش عشان أنت ملاك
يمكن عشان قلبى هواك
حلم عمرى يكون معاك
بس صحيت على جفاك
بسأل روحى عملت ايه ؟
بسأل انت بعدت ليه؟
بس هنسى اكيد .. قساك
مسمحاك
حلم عمرى كان معاك
حلمى عمرى كان رضاك
بس صحيت على جرح وغدر
وبعت قلبى اللى هواك
رحت ليه من غير سؤال؟
رحت فين ومين هناك؟
اخدك منى ومن هواك؟
مسمحاك
كلمة وحده هاقولها ليك
ياللى قلبى كان شريك
روح وحب حد غيرى
روح وشوف كل القلوب
مش هتلقى قلب غيرى
حبك وأتمنـى ... رضاك
مسمحاك
بس قولى قبل مامشى
قلبك حس يوم بقلبى
ولا كنت بتتسلا بهواك ؟
لو مش قادر عـ الحكايه
طــب كنت قولى من البدايه
ولا كانت تفرق معـــــاك ؟
مسمحاك
والا غيرى خد مكانى؟
ده قلبك يبـــــقى اكيد انانى
وبقيت عليا وعلى حبى جانى
سعتها قلبى هايقولك
مش مسمحاك
