الرئيسية
فى ليلة من الليالى
)))))))))))))))))))))
فى يوم ولا كان ف بالى
وف ليلة من الليالى
صوتها الفرحان ندالى
وقالتلى انت معزوم
بكره حفلة زفافها
ع الفارس اللى شافها
وف ثانية جه وخطفها
من قلبى انا المهزوم
انساها خلاص ياقلبى
وبلاش حزن وآهات
بكره الايام يا قلبى
هتعوّضنا اللى فات
سلّم ... بقسمتك
وبلاش تبقى خيالى
***
فى يوم ولا كان ف بالى
وف ليلة من الليالى
مخنوق فيّا الكلام
مخنوق فيّا السكات
مدبوح جوّايا قلبى
وكلام زىّ الآهات
على فرحتها اللى جايّه
ودموعى مدّاريّة
بعذاب آخر لقى
مكتوب لينا الفراق
مكتوب لينا البعاد
مكتوب نفضل ياقلبى
عن أحبابنا بُعاد
ناسيانا ومش ف بالها
ولايوم كنّا ف خيالها
خلّيها بعيد ف حالها
وكفاية عذاب بقى
******
فى يوم ولا كان ف بالى
وف ليلة من الليالى
صوتها الفرحان ندالى
وقالتلى انا معزوم
بكره حفلة زفافها
ع الفارس اللى شافها
وف ثانية جه وخطفها
من قلبى انا المهزوم
