الرئيسية
مكنش حــــــــــــــــــب
فى يوم من الايام صحيت من الاحلام
كان عمرى كله ايام بتعدى من غير امان
كان قلبى عايش وحيد
كان يومى ملوش جديد
ولقيتنى فى دنيا تانيه
حسيت بنور قدامى
جريت ..... جريت عليه وفرحت بيه
حسيت قلبى الصغير بيرفرف بين ضلوعى
بيقولى روحى ليه
جريت عليه وانا ملهوفه
لقيته مادد ايديه
بيقولى تعالى نحلم
تعالى ندوب قلبى وقلبك فى جنه العشاق
فرحت وقلبى دق
اترميت جوه حضنه وقلت ليه محتجالك
لانى حبيته من غير اختيار
قلبى كان محتاج لحبه ياخدنى من المرار
جوه حضنه وبين ايديه غمضت عينى
واتنهدت بمر سنينى
وبكيت .... بكيت وانا مرتاحه
بس خايفه تاخدنى منه سنينى
حبيته فوق ما يتصور خياله
لكن انكتب عليا انى افارقه
لكن افارق حبى ليه دا كان محال
فارقت قلبه
فارقت حضنه
وبعدت عنه
لقيت كله اوهام
نسينى ..... نسينى .... نسينى
نسى روحى الى رايحه عشانه
نسى قلبى الى دايب فى حنانه
نسى حبى الى اتولد علشانه
مستحيل يكون دا حب
محبنيش
مكنش حب .... مكنش حب
كان حلم عشته واتمنيته
برغم انه حلم انا حبيته
من بين كل البشر حبيته
كنت لعبه بين ايديه
واتسلى بيها ورماها
مكنش حب ...... مكنش حب
فوقت من وهمى الكبير
مجروحه ...... مجروحه ببكى بانين
ولسه جوايا الحنين
هدوس على قلبى بايدى وهموت حنينى
وهعيش وبس سنينى
ودفن جروحى جوه روحى واصرخ بانينى على عمرى وسنينى
على كل لحظه حب اديتهاله
مكنش حب .... مكنش حب
