الرئيسية
الحـروف أتبعثـرت والملامح اتغيرت والقلوب اتحيرت ...
والمكان مش هو المكان ولا الزمان اصبح زمــــان
واهو يا قلبي جينا ورحنا ورجعنا الي نفس المكان
عشنا يا قلبي الليالي سهاري ..حيــاري ..
مين فينا شاف ..مين فين عاش . .
مين فينا قال ...مين فين مال ..
مين فينا غني ... للحب بالموال
هي الليالي نفس الليالي ..
تاه فيها قلبي ضاع فيها عمري ... من غير ما بالي
كنا بنجري ..كان القلب على الشوء ينادى
قولت نعدي للشوق بامان وياريته امان
ولا كان ده امان ولا كان ده زمان ولا كان ده مكانى ..
قولت استخبا بس فى مين ؟ ومين يقدر يكون امين
لقيت انسان يشبه ملامحى وتعبه الزمان "
جريت عليه وقولت ليه
خبينى فيك من غدر زمانى
قاد شموعى ومسح دموعى وقالى تعالى
وعدنى يكون هو دارى .. ويكون سيفى على الناس وزمانى
وكان وعده لى هو الامان
ولو فى يوم نسى وعده هايكون عليا الجانى
هارجع اقول اااه يا زمانى
رحنا نجرب لقينا خلف الزمان دموع اغتراب وذكرى ندم
بس رجعنا بدموعنا ... بامالنــــــا .... باحلامنا ...
اللي طارت واصبحت رماد ودخـــــان
والمكان مش هو المكان ولا الزمان اصبح زمــــان
واصبح الامـــــان فيكى يا دنيا كان زمان
والحـروف أتبعثـرت والملامح اتغيرت والقلوب اتحيرت ...
واهو يا قلبي جينا ورحنا ورجعنا لنفس المكان
اااه يا قلبى من غدر الزمان
