الرئيسية
بقى انت خلاص كرهتنى ؟؟
ياكداب ..
ماعدت خلاص تحبنى ؟؟
يا كداب ..
وليه الكدب فى قولك ؟؟
وايه مدلولك ان انت
امرت القلب يرمينى ؟؟
وتنسنى قصاد الناس
وعامل نفسك ان انت ماحبتنيش
ياكداب ..
دنا صورتى طبعها عقلك الباطن
فى اركانك .. فى وجدانك .. قصاد منك
ورا منك .. وده لإنك
لاول مره فى عمرك
تعيش الحب ويايا
ده لسه عطرى جواك
ووياك فى كل مكان
انا نبضك .. انا قلبك
فى كل اوان وفيه روحى
وصعب ان انت تنسانى
ده حتى ف لحظة الغفوه
وعند النوم تلاقينى
فى احلامك ..
ماهو انت ياما قولتلى
قعدت ساعات بتحكيلى
فى قصة حلوه عجبتنى
وتجذبنى ..
وعرفت ازاى تحكيها
وفستانى كنت بتنقى الوانه
وان الروز ده لون الحب واوانه
وزينتلى .. روحك بروايحك وكرماتك
وده علشان ما ارضى
وجاي بعد ده كله
تقولى خلاص كرهتنى
ياكداب .. ياكداب
وفاكر لما قولتلى
فى سعات سهرك جنبى
وحاسه بقلبك الطاغى
يصب ف جنبى دقاته
وحاسه بإيدك الحانيه
مابين شعرى .. وخصلاته
تحدد طوله بالصافى
من قورتى لاردافى
وتهمس همسك الدافى
وبكتافى .. اغطى ودانى من همسك
وابعد خدى عن لمسك
واعيش لحظات من النادره
وحاجه صعب اوصفها
واقولك خلاص مانيش قادره
منا ادرى
بأنفاسك حا تحرقنى
وتسبح جوه ف عروقى
لكين حاساك تغرقنى
واتعلق بقشايه
وافتح عينى بالعافيه
اقاوم رعشتى الدافيه
وامسك بايدى كبايه
واطفى نارى جوايا
وارحم نفسى من نارك
واتحوّل فى داخل نفسى لجل انسى
وارجع تانى للمرسى على شطّك
واتحوّل لأنسيه
وانسى انى من لحظه
بسيطه كنت جنيّه
على جمرك انام واغفل
ونا مش حاسه إن انت
بنارك كنت تكوينى
وجاي بعد ده كله
تقولى خلاص كرهتنى
ياكداب .. ياكداب
وفاكر لما قولتلى
فى بُعدك عنى باشتاقلك
واجيب صورتك اللى شايلها
اكلمها واعلمها تكلمنى
توانسنى .. تجالسنى .. تحسسنى
بإنك انتى ويايا
واحس بصوتك الهادى
والاقى عيونك يعزّونى
يدونى مفاتيحها واسلمها
تخش حصونى من همسه
والاقينى بإيدى ماسك فنجانك
ماهو الفنجان .. كمان زاخر .. بيتفاخر
تقوللى .. ياللا غطينى
واغطيك .. وادفيك
وخايفنى اروح تخبينى
وده إن دل عن حاجه
يدل ان انت محتاج
تعيش عمر فوق عمرك تحبنى
وجاي بعد ده كله
تقولى خلاص كرهتنى ؟؟؟
ياكداب .. ياكداب
