الرئيسية
الجواب التانى
من فاطنة الى حراجى
اسوان
زوجى الغالى
لاوسطى حراجى القط
العامل فى السد العالى
ــــــــــــــــــــــــــــــــــــــ
]زوجي حراجي ..
فوصلنا خطابك ..
شمينا فيه ريحة الأحباب .
ربنا ما يوري حد غياب .
مش أول مره البسطاوي يخطي عتبة الدار ؟؟
عمرنا يا حراجي ما جالنا جواب .
النبي ساعة مرزوق البسطاوي ما نده ..
كده زي ما كون .. دقت في حشايا نار .
وكإن العمر بيصدق .. بعد ما كان كداب .
اتأخرت مسافه كبيرة كبيرة علي
عارف فاطنه يا حراجي لاليها عايل ولا خي .
ليه تتأخر كده يا حراجي .. ؟
طب والنبي وكإن ورقتك دي
أول قنديل بتهز ف جوف الدار
أول ندعة ضو .
الدار من غيرك يا أيو عزيزه .. هو .
وعزيزه وعيد
من غيرك يا حراجي زي اليُتما في العيد .
الواد على صغره حاسس بالغربه وبالبعد .
ولا عاد حتى بيطلع يلعب في القمَارى مع الولِد .
اطلع وأخش .. أطلع وأخش القاه .. غيمان
وكأنه محروق له دكان .
ويقوللي : (( فين يامه أسوان .. ؟
وأبا سابنا ليه يا مه ؟ ما يمكن زعلان .. ؟ ))
شهرين يا بخيل ؟
ستين شمس وستين ليل ؟
النبي يا حراجي ما أطول قلبك
لاقطع بسناني الحته القاسيه فيه
..........................
كل الجبلايه تسلم فرداً فرد ..
م الحاج ((( طِلب حامد )) لعيلة بيت (( علي سعد ))
وانشالله يا حراجي ما يوريني فيك يوم
وانشالله تكون اتعلمت ترد قوام .
ومادام احنا رسينا ع العنوان
والله ما حنبطل بعتان..
مفهوم:
اسوان
زوجي الغالي
لوسطى حراجي القط ..
العامل في السد العالي [/ALIGN]
زوجتك
فاطنة احمد عبد الغفار
جبلاية الفار
[img][/img]من فاطنة الى حراجى
اسوان
زوجى الغالى
لاوسطى حراجى القط
العامل فى السد العالى
ــــــــــــــــــــــــــــــــــــــ
]زوجي حراجي ..
فوصلنا خطابك ..
شمينا فيه ريحة الأحباب .
ربنا ما يوري حد غياب .
مش أول مره البسطاوي يخطي عتبة الدار ؟؟
عمرنا يا حراجي ما جالنا جواب .
النبي ساعة مرزوق البسطاوي ما نده ..
كده زي ما كون .. دقت في حشايا نار .
وكإن العمر بيصدق .. بعد ما كان كداب .
اتأخرت مسافه كبيرة كبيرة علي
عارف فاطنه يا حراجي لاليها عايل ولا خي .
ليه تتأخر كده يا حراجي .. ؟
طب والنبي وكإن ورقتك دي
أول قنديل بتهز ف جوف الدار
أول ندعة ضو .
الدار من غيرك يا أيو عزيزه .. هو .
وعزيزه وعيد
من غيرك يا حراجي زي اليُتما في العيد .
الواد على صغره حاسس بالغربه وبالبعد .
ولا عاد حتى بيطلع يلعب في القمَارى مع الولِد .
اطلع وأخش .. أطلع وأخش القاه .. غيمان
وكأنه محروق له دكان .
ويقوللي : (( فين يامه أسوان .. ؟
وأبا سابنا ليه يا مه ؟ ما يمكن زعلان .. ؟ ))
شهرين يا بخيل ؟
ستين شمس وستين ليل ؟
النبي يا حراجي ما أطول قلبك
لاقطع بسناني الحته القاسيه فيه
..........................
كل الجبلايه تسلم فرداً فرد ..
م الحاج ((( طِلب حامد )) لعيلة بيت (( علي سعد ))
وانشالله يا حراجي ما يوريني فيك يوم
وانشالله تكون اتعلمت ترد قوام .
ومادام احنا رسينا ع العنوان
والله ما حنبطل بعتان..
مفهوم:
اسوان
زوجي الغالي
لوسطى حراجي القط ..
العامل في السد العالي [/ALIGN]
زوجتك
فاطنة احمد عبد الغفار
جبلاية الفار
